Tiempo  5 horas 19 minutos

Coordenadas 1342

Fecha de subida 9 de febrero de 2020

Fecha de realización febrero 2020

-
-
255 m
89 m
0
3,4
6,9
13,79 km

Vista 75 veces, descargada 4 veces

cerca de Barciademera, Galicia (España)

O topónimo varcia ou varxa (segundo a RAG é incorrecto escribir barcia e barxa) fai referencia a unha zona baixa e chaira nas marxes dun río, con frecuentes enchoupamentos polo desborde das augas. Son terreos moi húmidos e feraces que acostuman a ter unha vexetación herbácea e dos que só se sacaba proveito da herba de outono que se cortaba a fins do verán ou ben da que pacía directamente o gando, distinguíndose deste xeito entre as varcias de prado -as que se lles cortaba a herba- e as varxas de pasto.

Co paulatino abandono da gandería, estos terreos van sendo novamente colonizados pola vexetación primixenia acompañada do crecemento de árbores con necesidade de grandes cantidades de auga, como son os salgueiros e amieiros.

San Martiño de Barciademera -unha das parroquias do concello de Covelo- atópase dacabalo das bacías de tres importantes cursos fluviais: o río Tea e os seus tributarios Alén e Caraño, polo que é unha zona con moita extensión de terras baixo a influencia destes ríos e numerosos regatos que contribúen a aparición das varcias ou barcias, sendo unha delas a de Mera.

Puntos de interese polos que pasaremos nesta andaina son:

- As vizosas fragas das ribeiras do Tea, Alén e Caraño.

- Antigos pasos ou poldras no río Tea que comunicaban con Casteláns e que nos periodos de enchenta están cubertas polas augas, impedindo o seu uso (nós non as pasaremos). Atravesaremos varias pontes e pontellas, algunhas con orixe medieval.

- Escola e capela de San Xosé, en Redondo, erguidas no ano 1928 por doazón do industrial confiteiro Agapito Serra Fernandes, que fixo fortuna en Lisboa.

- Conxunto arquitectónico da igrexa de San Martiño e casa reitoral de Barciademera. Da páxina web do concello de Covelo obtemos a seguinte información:

“Na portada figura a inscripción MDCCLII (1752), que fai referencia a terminación da obra. O interese da arquitectura deste Pazo Abacial, amais da súa situación, vese incrementado pola ausencia total de estudos sobre este edificio senlleiro.

A reitoral foi ordenada polo abade Alberto Barreiro y Bello. En 1566, dicíase que a parroquia é do padroado e provisión dos monxes cistercienses do mosteiro de Melón. Barciademera foi lugar de parada e descanso para o transporte das mercadurías que viñan de Santa Uxía e Santa Marta de Vigo, onde tiñan dereitos xuridiscionais os monxes de Melón.

Os antigos rexidores e procuradores do Pazo gozaban do privilexio de “estar cubertos durante as sesións”.

A Reitoral de Barciademera é unha das construcións máis atractivas e sorprendentes que poden atoparse na provincia e, pola súa arquitectura, única en Galicia. Nela destacan a exuberancia barroca da súa fachada e a austeridade do resto do edificio. Enriba da portada hai un frontón de arco deprimido, partido na zona central con posibles inspiracións aztecas. O atlante que a remata e un oborixe que pola súa derrota foi condenado por Zeus a soster o firmamento sobre as súas costas. Aos lados hai dous pináculos de taboleiros superpostos, rematados en bólas e coroamento de piñas...

Na fachada atopamos tamén figuras saíntes, características do Renacemento e do Barroco; destacan no espazo dos arcos do frontón, as dúas aves coroadas, cos seus peteiros abertos como en actitude parlante. Modalidades dun Barroco que arrastra temas e motivos de atilado plateresco, que pasaron aos recursos pasados para cubrir pequenos espazos.

Aínda se admíra na antiga casa parroquial a monumental cociña cunha orixinal e esvelta cheminea cilíndrica; a orixinalidade do aproveitamento da auga para mover o muíño, formando parte da edificación prioral; e a estrutura das cabalerizas que recordan, salvando as dimensións, as dos mosteiros de Oseira, Sobrado dos Monxes, Acibeiro e San Martiño Pinario.”
foto

A Corcoveira

Lugar na aldea de Alén.
Picnic

Area lecer Portafurado

Área recreativa ao carón da ponte medieval e muíños de Portafurado.
Picnic

Area lecer Redondo

Pequena área recreativa con mesas en Redondo.
Avituallamiento

Barciademera

Parroquia do concello de Covelo.
foto

Camiño 1

Camiño a Casteláns.
foto

Camiño 2

Camiño entre Alén e Barciademera.
Arquitectura religiosa

Capela San Jose

Ermida en Redondo. Costeada por Agapito Serra Fernandes no ano 1928.
Waypoint

Comezo Barciademera

Punto de inicio, no centro de Barciademera.
foto

Corredoira

Camiño en Redondo, por riba do río Caraño.
Edificio de interés

Escolas San Jose

Escola en Redondo. Costeada por Agapito Serra Fernandes no ano 1928.
Cascada

Fervenza

Caedoiro de auga no río Tea.
fuente

Fonte

Fonte de auga potable en Barciademera.
Arquitectura religiosa

Igrexa San Martiño

Igrexa do conxunto arquitectónico de Barciademera.
Río

Levada

Levada de auga desde o río Tea.
foto

Mera

Lugar en Barciademera, concello de Covelo.
Ruinas

Muiños

Muíños hidráulicos en Vilanova, Barciademera.
Edificio de interés

Muiños Portafurado

Muíños hidráulicos en Barciademera que aproveitan as augas do río Caraño. Son un conxunto de catro inxeños.
foto

Peto animas

Peto de ánimas en Portafurado.
Puente

Poldras

Pasos no río Tea no camiño a Casteláns.
Puente

Ponte 1

Ponte sobre o río Alén.
Puente

Ponte 2

Ponte sobre o río Alén.
Puente

Ponte Portafurado

Ponte de orixe medieval sobre o río Caraño ao seu paso por Barciademera.
Edificio de interés

Reitoral Barciademera

Casa reitoral de Barcidemera.
Río

Rio Alen

Tributario do río Tea pola súa marxe dereita. Pasa por Barciademera.
Río

Rio Caraño

Afluente do río Tea. Pasa por Barciademera.
Río

Rio Alen

Tributario do río Tea pola súa marxe dereita. Pasa por Barciademera.
Río

Rio Caraño

Afluente do río Tea. Pasa por Barciademera.

Comentarios

    Si quieres, puedes o esta ruta