Amezti Arroa Goikotik zirkularra

Bidegurutze honetan hainbat aukera daude baina goazen norabidean ezkerretara geratzen denetik jarraitu behar da . baserri bat eta biltegi moduko beste eraikuntza handi baten tartetik. Pixkat aurrera joan orduko bidea lurrezko bihurtzen da eta aldapa nabarmen handitzen da.

Puntu honetan ezkerretik jarraitu behar da, hau da bide nagusitik. Segituan ateza metaliko batekin topo egingo dugu. Hau gurutzatu eta aurrera jarraitu behar da.

Ateza metalikoa gurutzatu eta berehala dagoen zabalgunean txabola bat dago bidearen eskubitara eta metro gutxi batzuk aurrerago beste bi ateza elkarren ondoan. Eskuineko ateza gurutzatu eta pinutegian gora doan bidetik jarraitu behar da. Ibilbideak pare bat bihurgune handi egiten ditu pinudiaren ertzetik.

Pinutegi ertzetik ibili ostean bideak zabalgune batera garamatza eta hor beste pare bat ateza metaliko daude. Hauek gurutzatu eta zuzen goruntz jarraitu behar da zuzen Bisusbide baserriraino.

Mendi bidea utzi eta errepidetik jarraitzen du bideak. Puntu honetan ezkerrera jo behar da (zuzen beheruntz abiatuta Zestoako herrigunera eta eskuineko bidetik Endoia auzogunera joan daiteke).

Ezkerreko bide nagusitik jarraitu behar da lehenengo Ameztiko gailurra iparraldetik inguratu eta ondoren bere ekialdetik igotzeko.

Urrunetik ikusten diren antenen albora iritsitakoan eskuinean dagoen egurrezko pasabidea zeharkatu eta zuzen abiatu behar da goruntz.

Behin gailurreko ikuspegi bikainak disfrutatu ondoren ibilbide arekin jarraitzeko beheko egurrezko pasabidera jeitsi behar da berriro ere.

Ibilbide zirkularra egiteko antenen alboan egurrezko atezari aurrez aurre dagoen metalezko ateza zeharkatu eta beheruntz abiatu behar da argi eta garbi ikusten den bide bat jarraituz.

Galbiderik ez duen bidean behera egitean eroritako txabola zahar bat ikus daiteke ezkerretara. Txabola zeharkatu eta berehala ateza bat dago.

Ateza gurutzatu eta ezkerretara jo behar da (nahiz eta zuhaitzetan X batzuekin ezetz jartzen duen. Ateza zeharkatu ostean ezkerretara metro gutxi (5 edo 10 baino gutxiago) egin ondoren eskuinetara beheruntz dijoan bidezidor estu batetik jeitsi behar da. Tarte txiki batean nahiko zuzen jeitsi ondoren berriro bide zabalago batekin elkartzen da bidea

Bidezidorra eta zabalagoak bat egiten duten puntua. Hemendik aurrera bide zabal hori jarraitu behar da Arroako lehenengo baserrira iritsi arte