Tiempo  3 horas 29 minutos

Coordenadas 647

Fecha de subida 27 de diciembre de 2018

Fecha de realización diciembre 2018

  • Valoración

     
  • Información

     
  • Fácil de seguir

     
  • Entorno

     
-
-
421 m
109 m
0
2,6
5,2
10,32 km

Vista 36 veces, descargada 8 veces

cerca de Zizurkil, País Vasco (España)

Hamar kilometro pasatxo dituen bira zirkularra. Herriguneko aparkalekutik atera eta Areta aldea zeharkatuz Salobieta errekara hurbilduko gara. Lepasoro baserriaren parean Egietatik datorren bidearekin bat eginda Ibiturrin sartuko gara. Zulo honetatik kilometro eta erdiko aldapa dugu, 130 metrotik Pagamendiko 355era igoz. Zarateko Benta trikuharriaren ondotik Peruazkaratera joango gara. Han Ziortzatik datorren bidea hartu eta aparkalekuraino itzuliko gara.
parquing

Aparkalekua

0 km. Herrigunean, parroki-elizaren atzealdean dagoen aparkalekutik aterako gara.
foto

Baserriko Argia

0.3 km. Herrigunetik atera eta berehala Juan Gorritik 2002an sortutako "Baserriko argia" eskultura ikusiko dugu. Emakume baserritarraren omenez egindako burdinezko eskultura honek 2 metroko altuera du. Bidea galdu gabe, Areta inguruko baserriak zeharkatuko ditugu.
Intersección

Astabere eta Salobietara

0.9 km. Bidea utzita, eskuin aldera jaisten den adarra hartuko dugu. Astabere etxearen azpitik Salobi errekatik datorren bidearekin bat egingo dugu.
Intersección

Lepasoro

1.9 km. Lepasoro baserriaren parera iristerakoan, justu zubiaren aurretik, ezker aldera ateratzen zaingu mendi-bidea hartuko dugu. Aldapatxoa hasita, eskuinetik errekara jaisten den bidean utzita (2.1 km), gora jarraituko dugu, Egietatik behera datorren bidearekin bat egin arte.
Intersección

Egietako bidegurutzea

2.3 km. Egietatik behera datorren bidearekin topo egitean, hau hartu eta Ibiturri aldera jaitsiko gara.
Río

Ibiturri

2.7 km. Ibiturri ingurura iritsiko gara. Sarrerako zubitxoaren ondoan Lepasoroerrekaren albotik datorren bidea ikusiko dugu eskuinean. Aurrerago, berriz, ezker aldera ateratzen den Lizardirako bidea. Metro batzuek eginda, Adunako lurretan sartzen den bidea utzi eta zubitxo baten gainetik Pagamendirako igoerari ekingo diogu.
Intersección

Goikoetxeako langa

3.9 km. Ibiturritik kilometro eta berrehun metrotako aldapa igo ondoren Goikoetxeako langara iritsiko gara, Pagamendi baserria bistan dugularik. Aurretik Larretingo bordako langara (3.2 km) doan bidea utzita, gora jarraitu dugu. Justu langa honetara iritsi aurretik, ote artean ikus daitezke Goikoetxea baserria zenaren hondakinak.
Waypoint

Pagamendi baserria

4.2 km. Inguruari izena ematen dion Pagamendi baserrira iritsi gara. Honen atzealdetik gora jotzen duen bideari jarraituko diogu.
Intersección

Pagamendiko langa

4.3 km. Pagamendi baserritik 100 metro igota langa honetara iritsiko gara. Langa pasata, eskuinera metro gutxi eginda, Zarateko Benta trikuharria bisita genezake. Goraka, Peruazkarate aldera jotzen duen ezkerreko hormigoizko bidea hartuko dugu.
Intersección

Peruazkarate

5.5 km. Ziortza eta Ezkeltzutik datorren hormigoizko pistarekin topo egingo dugu. Bide hau hartuko dugu, beheraka.
Intersección

Zaratezarreko bidegurutzea

5.7 km. Peruazkaratetik 200 metro jaitsita eskuinetik Zaratezarreko bidea ateratzen dela ikusiko dugu. Guk hormigoizko geureatik jarraituko dugu.
Intersección

Zarateko Benta - Ipidegi

6.0 km. Hormigoia amaitzen denean eskuinera Zarateko Bentara doan bidea ateratzen zaigu. Beheraxeago berriz, ezkerrera Ipidegira sartzen dena. Bi horiek utzita, guk geuretik zuzen aurrera eta behera jarraituko dugu.
fuente

Illarratxoeta - Motzane

6.7 km. Illarratxoeta baserriaren hondakinetara iritsi gara, "Motzane" goitizenez ezagunagoa. Atsedenerako bankoa eta iturria ditugu hemen. Atsedenleku honetatik aurrera asfalto gainean joango gara ibilibidearen amaieraraino.
Intersección

Buztinbailararako bidegurutzea

6.9 km. Eskuinetik ateratzen den adarra Buztinbailarara jaisten da, Zearsoro baserrira, berreskuratu den Irizibarko karobiaren gainetik.
Intersección

Iruterdi

7.6 km. Bidegurutze honetan Zarapegi baserrira jaisten den bidea ateratzen den ezkerretik. Guk aurrera jarraituko dugu, bide nagusitik. Baina bi bide hauen tartetik hirugarren mendi bidea ateratzen da, Andola aldera. Hau ere aukera izan daiteke, azken honek gurearekin bat egingo baitu Egietan.
Intersección

Egieta

8.9 km. Iruterditik jaisten ari gara. Odolkierragarako adarra utzi dugu ezkerrean eta Azkarate baserriaren ondotik igarota, Egietara iristen gara. Justu aurretik, ezkerretik, Ibiturrira jaisten diren bi bide jasoko ditugu, bata bestearen segidan. Egieta baserritik behera jarraituko dugu, gure bidea utzi gabe. Arandabarro eta Andia baserrien ondotik igarota Portxetara iritsiko gara eta hemendik, berehala, aparkalekura. Hamar kilometro luze osatu ditugu.

1 comentario

  • ainhoazpe 29-ago-2019

    He realizado esta ruta  verificado  ver detalle

    Salobieta erreka ertzeko ibilbidea ibitturriraino zoragarria da. Hortik aurrera aldapa gorako esfortzua ere merezi du Pagamendi baserriko parajeaz disfrutatzeko.

Si quieres, puedes o esta ruta