Ruta Sicenata - Pacata | Castelo de Parada

Dámoste a benvida ao lugar onde cada pedra agocha unha mensaxe aínda sen descifrar. Un camiño polo que discorreron persoas e mercadorías dende hai miles de anos. Fragas cheas de misterios, túneles escavados na montaña e fermosas panorámicas do río Miño serán algunhas das imaxes que terás a sorte de gozar neste itinerario circular.
Con punto de saída nos pobos de San Salvador e Parada a ruta pode facerse en calquera das dúas direccións ao encontrarse perfectamente balizada. Porén, recoméndase realizala sempre no sentido das agullas do reloxo.