Senda do Arenteiro. PR-G 79

Este sendeiro de pequeno percorrido está homologado pola Federación Galega de Montaña como PR-G 79 e como tal está debidamente sinalizado, polo que pódese facer sen precisar do track do GPS. Descoñezo a razón pola que nas sinais ao longo de traxecto aparece como PR-G 76 que según o listado oficial correspondería ao Sendeiro do Río Avia.
Citando a páxina web de Turgalicia: "Parte do Parque Municipal do Carballiño, xunto á piscifactoría. Pasa pola popular Pena dos Namorados e o Parque Etnográfico do Arenteiro co interesante ecomuseo Muíño do Anxo, o cámping municipal con bungalós e un restaurante.
Crúzase sobre o río Arenteiro en Ponterriza para chegar á aldea de Moldes e á súa igrexa románica de San Mamede, monumento nacional inmerso nun romántico contorno marcado por castiñeiros de gran tamaño e un antigo cemiterio
O Arenteiro crúzase outra vez pola ponte medieval de Castro Cavadoso. Sóbese cara á aldea de Cabanelas coa súa igrexa, pazos e casas brasonadas, para descender despois cara a Pazos de Arenteiro (ver PR-G 76). Antes de entrar na vila, merece a pena achegarse ao Pozo dos Fumes onde o río parece volatilizarse entre as rochas".