Satrustegitik Amorro, Beriain, Satrustegi Haitzak zirkularra 2024-05-05

IBILBIDEA OSORIK IKUSTEKO: https://mendikosterak.blogspot.com/2025/05/satrustegitik-zirkularra.html
Satrustegi(e)tik abiatzen den ibilbide zirkularra, eta toki hauetatik pasatzen dena: - Portillo de Irañeta (6.3 km) - Amorro (8.1 km) - Portillo de Uharte (9.8 km) - Beriain (11.3 km) - Euskal Herriko Erdigunea (15.7 km) - Idoitxiki (17.8 km) - Satrustegiko Haitza (19.1 km)
- Satrustegui (20.2 km)
Satrustegi herritik buruturiko ibilbidea Beriain Mendira, Amorro menditik igarota eta itzulera Idoitxiki eta Strustegiko Haitzetatik buruturik. Satrustegiko mendilerroko hainbat tontor bisitatzeko aukera izateaz gain, portu zaharretako bideetatik burutua. 24 km inguruko luzera eta mila metrotik gorako desnibelduna.

Ibilbidea eta altimetria

Satrustegitik ibilbide zirkularraAltimetria

Satrustegi herrian kotxea utzi eta ibilbidea hasteko herriko eliza eta iturritik igaroko naiz, ura biltzeko.

Iturria
San Martin parrokia Erdi Arokoa da, baina XVI. mendean birmoldatu zen. Hiru ataleko habearte txikia eta burualde karratu estuagoa ditu. Habeartearen gainean beste tertzelete-atal batzuk ditu, eta ganga izartua burualdearen gainean. Igeltsuzko nerbioak zirkuluerdiko mentsuletan eta dentelloi-kapiteldun pilastretan bermatzen dira. Dorrea, nabea baino estuagoa, elizaren oinaldean altxatzen da. Arkupe barrokoa du, adreiluzkoa, eta, haren gainean, XVI. mendeko San Migel fardel bat gordetzen duen horma-hobi bat dago, beneraz estalita.Barrualdean, XVII. mendeko erretaula nagusiak aurreko irudiak aprobetxatzen ditu, hala nola San Martinenak, kapa, estilo flamenkozalekoa eta XVI. mendeko kalbarioa, San Joan Bataiatzailearena barrokoa den bitartean.Satrustegiko San Martin parrokiaHerriko karrikatik gora jo eta eskuinetik, karrika batek pistan bilakatu egiten da. Bertatik herritik irten beharko da. Itzulera zuzeneko karrikatik egingo delarik.
Eskuinetik herritik irtetekoLoreakHerritik irtetean goiko partean Satrustegiko haitzak ikusgai izango dira. Haitz ederrak eta dotoreak basotik sortuko bailira. Itzuleran goiko partetik ikusteko aukera izango da, eta benetako amildegiaz ohartzeko.
Satrustegiko haitzakPista basorantz eramango gaitu eta puntu batean metalezko ate bat gainditu beharko da.
Metalezko ateaAtea gainditu eta ezkerretik gora doan pista jarraitu beharko da ondoren.
Ezkerreko pistatik goraOrkideaXehetasunaOrkideaBorda baten aldamenetik igaro eta zuzen igotzen jarraitu.
BordaGorago bertze bidegurutze batetara iritsi eta oraingoan eskuineko pistatik jarraitu beharko da.
EskuinetikSatrustegiBerama errekatxoa edo bere trokaren goiko partera iritsi eta pistatik segi. 
Berama errekatxoa Apurtxo bat aurrerago bertze bidegurutze bat dago. Pista nagusitik eskuinetik segi.
Pista nagusitikBasoaBasoaPista bide batean bilakatuko da eta puntu honetan mugarri bat ikusgai izango da.